WSJ: Xerox korporatsiyasi ikkita mustaqil kompaniyaga ajraladi

AQShning Xerox kompaniyasi ikkita mustaqil kompaniyaga ajralishni rejalashtirmoqda. Bu haqda The Wall Street Journal nashri xabar bermoqda.

Ta'kidlanishicha, yaratilgan kompaniyalardan biri apparatura ishlab chiqarishni davom ettiradi, ikkinchisi esa xizmat ko‘rsatish bilan shug‘ullanadi. Nashr ma'lumotlariga ko‘ra, Xerox’ning ajralishi haqida 29 yanvarda e'lon qilinadi. Shu kuni kompaniyaning moliyaviy hisoboti taqdim qilinadi.

Nashrning ta'kidlashicha, 28 yanvarda kompaniyaning bozordagi kapitalizatsiya 9,4 mlrd dollarni tashkil qilgan.