14 oylik go‘dak ham snoubordda ucha oladi (video)

Agarda siz snoubord — avvaldan yaxshi tayyorgarlik ko‘rgan professional sportchilar mashg‘uloti, deb o‘ylasangiz xato qilgan bo‘lasiz.

AQShning Yuta shtatidagi yashovchi Sloan 13 oyligida yurishni o‘rgandi. Oradan bir oy o‘tib, ota-onasi unga snoubord hadya etishdi. Sloan otasining aytishicha, eng kichik taxtachani tanlaganiga qaramasdan, u qizalog‘iga bir oz uzunlik qilmoqda. Shu bois oyoq kiyimlarini mustahkamlash uchun o‘rnatilgan uyachalarni oyoqchalari bir-biriga yaqinroq bo‘lishi uchun qayta o‘rnatishga to‘g‘ri keldi.

Albatta, Sloan hozircha burilishlarni mustaqil tarzda amalga oshira olmaydi. Biroq boshqa xavaskorlardan farqli o‘laroq, snoubordda muvozanatni saqlagan holda o‘zini dadil tutmoqda.