Yamanning Adan shahrida xudkushning hujumi oqibatida 7 kishi halok bo‘ldi

Yamanning janubiy qismida joylashgan Adan shahrida terrorchi-xudkush minalashtirilgan avtomobilda nazorat-o‘tkazish punkti yonida portlash sodir etdi, deb xabar bermoqda Associated Press axborot agentligi.

Mahalliy xavfsizlik kuchlari vakillarining ma'lumotlariga ko‘ra, terakt oqibatida 7 kishi halok bo‘lgan, yana kamida 8 kishi jarohat olgan.

Ushbu hujum uchun javobgarlikni IShID bilan aloqador bo‘lgan guruh o‘z zimmasiga olgan.

28 yanvarda ham terrorchi-xudkush Yaman prezidenti Abd Rabbo Mansur Hodiyning qarorgohidan 500 metr uzoqlikda joylashgan nazorat-o‘tkazish punkti yonida minalashtirilgan avtomobilni portlatgandi. Ushbu terakt uchun javobgarlikni IShID o‘z zimmasiga olgandi.