Futzal, Osiyo chempionati. O‘zbekiston finalda Eronga imkoniyatni boy berib, Osiyo vitse-chempioni bo‘ldi

Futzal bo‘yicha Toshkentda o‘tgan Osiyo chempionatining final uchrashuvida O‘zbekiston Eron terma jamoasiga imkoniyatni boy berdi.

Qiziqarli kechgan o‘yinda eronliklar 1:2 hisobi bilan g‘alaba qozonishdi. Uchrashuvdagi barcha to‘plar 1-bo‘limda kiritildi. Dastlab O‘zbekiston terma jamoasi futbolchisi Dilshod Irsaliyev uchrashuvning 6-daqiqasida hisobni ochdi. Biroq eronliklarning 8- va 14-daqiqada kiritgan to‘plari ularga Osiyo chempionligini olib keldi.

Eron 11-bor Osiyo chempioni bo‘ldi. O‘zbekiston terma jamoasi esa to‘rtinchi bor qit'a chempionati kumush medallari sohibi bo‘ldi.

O‘zbekiston terma jamoasi ushbu musobaqa natijalariga ko‘ra Kolumbiyada 10 sentabrdan 2 oktabrgacha davom etadigan jahon chempionatida ishtirok etish huquqini qo‘lga kiritdi.

Futzal, Osiyo chempionati
FINAL
O‘zbekiston - Eron - 1:2
Gollar: Dilshod Irsaliyev 6 - Qudrat Bohodiriy 9, Muhammad Keshavarz 14.
Hakamlar: Kozaki Tomoxiro, Liu Jiankiao, Rey Ritaga, Trong Kvok Dung.
O‘zbekiston: 1. Rustam Umarov, 7. Dilshod Rahmatov, 8. Farhod Abdumavlonov, 11. Artur Yunusov, 14. Konstantin Sviridov.
Zaxira: 2. Dilshod Irsaliyev, 3. Nodir Eliboyev, 4. Feruz Fahriddinov, 5. Davron Choriyev, 6. Javlon Anorov, 9. Andrey Shlema, 10. Jamoliddin Sharipov, 12. Akmaljon Xazratqulov, 13. Klim Tyugayev.

Eron: 1. Seper Muhammadi, 5. Hamid Ahmadi, 7. Asqar Hasanzoda, 9. Rizo Sansefidi, 12. Hussayn Toyibi.
Zaxira: 2. Alirozi Samimi, 3. Javad Isfandari, 4. Muhammad Keshavarz, 6. Alirizo Vafoi, 8. Qudrat Bahodiri, 10. Muhammad Tohiri, 11. Mehran Aliqodir, 13. Farhod Tavakkoli, 14. Mahdi Javid.