Xitoyda partiya bosh kotibining suratlari binoni qutqara olmadi

Shanxay markazidagi buzilishi rejalashtirilayotgan ikki qavatli manikyur saloni egasi noqonuniy binosini qutqarish uchun g‘aroyib usul o‘ylab topdi.

U Xitoy kommunistik partiyasi Bosh kotib Si Tszinpinning bir ko‘rinishdagi rasmiy suratlarini butun binoga yelimlab chiqdi.
Bino suratlari avval mahalliy OAVda chop etildi. Keyin ijtimoiy tarmoqlarga tarqalib ketdi.

Biroq bir kundan keyinoq politsiyachilar guruhi devorlardan plakatlarni ko‘chirib oldilar.
Bino ham, reja asosida buzib tashlanadi.