Erdo‘g‘an Yevroparlamentning Turkiyadagi vaziyat bo‘yicha hisobotini ig‘vo deb atadi

Turkiya prezidenti Rajab Toyib Erdo‘g‘an Yevroparlamentning Turkiyada inson huquqlari va OAV erkinligiga rioya etilishi to‘g‘risidagi oxirgi hisobotini ig‘vogarlik namunasi sifatida baholadi.

Turkiya rahbarining so‘zlariga ko‘ra, hisobot Yevropa bilan aloqalar endigina yaxshilanayotgan paytda chop etilgan.

O‘tgan hafta Yevroparlament 2015 yilda YeIga a'zolikka da'vogar bo‘lgan Turkiyada inson huquqlarining rekord darajada buzilgani va OAV tazyiq ostiga olinganidan ma'lumot beruvchi hisobot chop etgandi.