Floridada kichik samolyot qulashi oqibatida 3 kishi jarohat oldi

AQShning Florida shtatida kichik o‘lchamdagi yengil motorli Beechcraft BE-76 samolyoti qulashi oqibatida samolyot bortidagi 3 kishi – 2 erkak va bir ayol jarohat oldi, deb xabar bermoqda Reuters axborot agentligi. 

Shifokorlar jarohatlanganlarning ahvolini og‘ir deya baholamoqda.

Falokat Pompano-Bich shahri chekkasida yuz bergan. Samolyot qulayotib uylardan birining tomiga tegib o‘tib, qo‘shni uy hovlisiga qulagan va yonib ketgan. Olov tezda o‘chirilgan. Yerda hech kim jabrlanmagan.