Nyu-York ko‘chalaridan biriga vaqtinchalik Muhammad Ali nomi berildi

Nyu-York rahbariyati shahar ko‘chalaridan birini vaqtinchalik afsonaviy bokschi Muhammad Ali nomi bilan o‘zgartirdi. Ali 3 iyunda 74 yoshida vafot etdi.

"Bugun biz shahrimiz markazida buyuk insonga hurmat bajo keltirmoqdamiz. U shahar ko‘chalaridan biri uning nomi bilan atalishiga munosibdir", deb Nyu-York meri Bill de Blazio aytgan so‘zlarni keltirib o‘tdi The Telegraph nashri.

Ko‘cha shahar kengashi ma'qullagandan va mer tomonidan tegishli qaror imzolangandan keyin doimiy asosda o‘zgartiriladi.