Kaliforniyada samolyot temir yo‘lga qulab tushdi

Kaliforniyada yengil motorli samolyot temir yo‘l izlariga qulab tushdi. Bu haqda CBS telekanali ma'lum qildi.

Voqea oqibatida uchuvchi halok bo‘ldi. Yerda hech kim jabrlanmagan.

Noxush voqea Kaliforniya shtatidagi Xeyvard shahrida yuz berdi. Samolyot temir yo‘l izlariga qulagandan keyin yonib ketgan. Hududda tezyurar elektr poyezdlarning harakati to‘xtatilgan.

Voqea joyida mutaxassislar ishlamoqda. Ular samolyot qulashi oqibatlarini bartaraf etishmoqda. Voqea sabablari aniqlashtirilmoqda.