Italiyada poyezdlarning to‘qnashishi oqibatida qurbonlar soni 27 kishiga yetdi

Italiya janubida ikki yo‘lovchi poyezdining to‘qnashishi oqibatida 27 kishi halok bo‘ldi, 50 kishi jarohat oldi. Bu haqda La Repubblica nashri xabar bermoqda.  

Ikki poyezdning peshonama-peshona to‘qnashuvi 12 iyulda ertalab Apuliya viloyatining qishloq hududida yuz bergan.

Avariya sabablari tergov qilinmoqda, mutaxassislar poyezdlardan birining "qora qutisini" olishga muvaffaq bo‘lishgan. Ta'kidlanishicha, poyezdlar nisbatan yaqinda – 2005 va 2009 yilda ishlab chiqarilgan bo‘lgan.

Avvalroq OAVda poyezdlardan birining mashinisti tirik qolgani, biroq ahvoli og‘irligi ma'lum qilingandi.