Rossiyalik tennischilar Olimpiada chempionlari bo‘ldilar

Rossiyalik tennischilar Yelena Vesnina va Yekaterina Makarova Rioda ayollar o‘rtasidagi juftliklar bahsida oltin medalni qo‘lga kiritdilar.   

Final uchrashuvida rossiyaliklar shveysariyalik Martina Xingis va Timeya Bashinskiga qarshi kurashdilar. Uchrashuv 6:4, 6:4 hisobi bilan yakunlandi.

Tennischilar Rossiya terma jamoasiga 7-oltin medalni keltirdilar. Rossiya terma jamoasi hisobida ayni vaqtda 25 ta medal bo‘lib, undan 7 tasi oltin, 10 tasi kumush va 8 tasi bronza medaldir.