Amerikalik dengizchi suv osti kemasini suratga olgani uchun qamaldi

Amerikalik dengizchi Kristian Sose Alexandria suv osti kemasi ichini suratga olgani uchun bir yilga qamaldi. Bu haqda The Guardian nashri xabar bermoqda. 

Nashr ma'lumotlariga ko‘ra, Sose yana 6 yil uy qamog‘ida bo‘ladi.

2009 yilda suv osti kemasida mashinist bo‘lib ishlagan Sose kema Konnektikut portida bo‘lganda, uning ichining 6 ta suratini olgan. Suratlarga atom reaktori bo‘limi va boshqaruv posti kabi maxfiy obektlar tushgan. Dengizchining o‘zi bu harakatlarini o‘z ishchi joyini oilasiga ko‘rsatish istagi bilan tushuntirgan.