Sony kompaniyasi yangi PlayStation 4 Pro o‘yin pristavkasini taqdim qildi

Sony kompaniyasi Nyu-Yorkda yangi PlayStation 4 Pro o‘yin pristavkasini taqdim qildi.

Qurilmaning asosiy jihati uning samaradorligi va 4K ko‘rsatish qobiliyati hamda HDR-rang texnologiyasini qo‘llab-quvvatlashi hisoblanadi. 

Pristavka 1 Tb lik ichki xotira, yangi markaziy protsessor va grafik tezlashtirgichga ega.

O‘yinlar muxlislari yangi grafikani nafaqat yangi o‘yinlarda, balki avval chiqqanlarda yangilanishlar evaziga ko‘ra oladilar.

Qurilma, shuningdek, PlayStation VR virtual reallik shlemi uchun mo‘ljallangan o‘yinlarda tasvirni sifatliroq ko‘rsatadi.