Odil Ahmedov: Murabbiy almashinuvi “Krasnodar” natijalariga ijobiy ta'sir qildi

“Krasnodar” yarim himoyachisi Odil Ahmedov bosh murabbiy Oleg Kononovning iste'fosi jamoaga yaxshi ta'sir qilganligini ta'kidlab o‘tdi.

“Kononovning ketishi? Bu kutilmagan qaror bo‘ldi. Ammo murabbiylarning taqdiriga shunday yozilgan. Murabbiydan jamoa yaxshi o‘yin ko‘rsatishini kutadi. Futbolda eng muhim jihat – natija. Natija bo‘lmasa, ketishga tayyorgarlik ko‘ravering.

Balki, murabbiyning iste'fosi to‘g‘ri qaror bo‘lgandir. Bu holat jamoani uyg‘otishga, muvaffaqiyatsiz startdan keyin o‘ziga kelib olishi uchun yordam berishi mumkin. Murabbiyning almashishi jamoaga doimo ijobiy ta'sir qilgan. Natija ham o‘zini uzoq kuttirmaydi. “Krasnodar” oxirgi 3ta o‘yinda faqat g‘alaba qozondi”, - deydi Ahmedov “Izvestiya” nashriga bergan intervyusida.