Tom Kruz to‘qqiz daqiqa ichida 23 rolini jonlantirdi

Hollivudning mashhur aktyori Tom Kruz CBS telekanalida Jyeyms Kordenning mehmoni bo‘ldi. 9 daqiqali sketchda aktyor boshlovchi bilan birgalikda o‘zi bosh rollarni ijro etgan filmlaridan sahnalarni jonlantirdi.

Rolik qahramonlari libos va dekoratsiyalarni tezkorlik bilan o‘zgartirgan holatda "Uddalab bo‘lmas missiya", "Yomg‘ir odami", "Vampir bilan suhbat", "Jyerri Maguayyer", "Momaqaldiroqli kun" va Kruz ishtirok etgan ko‘plab boshqa kartinalarni hazil tariqasida aks ettirishdi.

S'yomkalarda Kruz bilan "Jyerri Maguayyer"ni suratga olgan Kyuba Guding ishtirok etdi. U shu filmdan olingan lavha ko‘rsatib berilayotgan bir paytda kutilmaganda kadrda paydo bo‘ladi.