Millionlab foydalanuvchilar WhatsApp’siz qolishadi

Foto: AFP

Smartfonlarga mo‘ljallangan WhatsApp messenjerini eskirgan gadjyetlarda ishlatib bo‘lmaydi, deb xabar beradi Daily Express nashri dastur yaratuvchilariga tayanib.

Ilovani iPhone 3GS, Windows Phone 7 mobil uskunalari va Android operatsion tizimining 2.1 va 2.2 nusxalari bo‘lgan telefonlarda ham ishlatib bo‘lmaydi.

"Bu gadjyetlar tariximizning muhim qismi edi, biroq bizning ilovada paydo bo‘ladigan yangi, qo‘shimcha imkoniyatlarni qo‘llab-quvvatlay olishmaydi", - deya ta'kidlab o‘tishgan ishlab chiqaruvchilar.