Fotojamlanma. KK-2017 ochilish marosimi

Bugun, 17 iyun kuni Rossiyaning Sankt-Peterburg shahridagi «Sankt-Peterburg» stadionida Konfederatsiyalar kubogi – 2017 turniri ochilish marosimi bo‘lib o‘tdi.

Marosimda tribunalarda performanslar uyushtirildi, Rossiya estradasi xonandalari chiqish qildi. Marosimdan keyin ushbu stadionda Rossiya — Yangi Zelandiya uchrashuvi orqali turnir boshlandi.

Konfederatsiyalar kubogi 17 iyundan 2 iyulga qadar Rossiyaning Qozon, Sochi, Sankt-Peterburg va Moskva shaharlaridagi stadionlarda o‘tkaziladi. A guruhida rossiyaliklar bilan birga Yangi Zelandiya, Meksika va Portugaliya terma jamoalari o‘rin olgan. V guruhida Germaniya, Avstraliya, Chili va Kamerun terma jamoalari ishtirok etadi.