Slovakiya bosh vaziri o‘z atrofidagilarni maxsus tekshiruvdan o‘tkazmoqda
Slovakiyaning yangi bosh vaziri Peter Pellegrini maxsus xizmatlardan o‘z atrofida ishlaydigan kishilarni tekshirishni so‘radi. Bunga hukumatdan yaqindagina ishdan ketgan xodimlarning Italiya mafiyasi bilan aloqada bo‘lganiga doir shubha-gumonlar sabab bo‘lgan.
21 fevral kuni siyosatchilarning jinoyat olami bilan aloqalarini o‘rganish bilan shug‘ullanayotgan jurnalist Yana Kutsiak o‘ldirilganidan keyin Slovakiyada siyosiy inqiroz kuzatildi. Aholining ommaviy norozilik namoyishlari va prezident Andrey Kiski hamda muxolifat partiyalar tanqididan keyin hukumat apparatidagi qator xodimlar egallab turgan lavozimlarini tark etishlariga to‘g‘ri keldi. IIV rahbari, bosh vazir Roberto Fitso shular jumlasidandir. Qayta tashkil etilgan hukumatga Peter Pellegrini boshchilik qildi, u bunga qadar bosh vazir o‘rinbosari sifatida faoliyat yuritgan.
"Maxsus xizmatlardan sobiq bosh vazir (Fitso) uning kantselyariyasida Italiya mafiyasining Slovakiyadagi vakillari bilan aloqador shaxslar borligidan xabardor bo‘lganmi yoki yo‘q - bilish uchun barcha imkoniyatlarimni ishga solaman", - dedi Pellegrini "Shanba kungi muloqotlar" teleko‘rsatuvida.
Shuningdek u ayni damda hukumat apparatida ishlovchi xodimlarining maxsus tekshiruvdan o‘tkazilishiga erishmoqchi ekanini qo‘shimcha qildi.
Mavzuga oid
23:59 / 08.10.2024
Slovakiya bosh vaziri OAVni nazorat qiladigan boshqarma tuzish kerakligini aytdi
11:00 / 08.10.2024
Slovakiya bosh vaziri Ukrainaning Yevroittifoqqa kirishini qo‘llab-quvvatlashini bildirdi
22:37 / 07.10.2024
Slovakiya bosh vaziri Bryusselga «raketa zarbasi berishga» chaqirdi
20:12 / 27.09.2024