Shavkat Mirziyoyev Qozog‘istonga boradi

O‘zbekiston prezidenti Shavkat Mirziyoyev Qozog‘iston prezident Nursulton Nazarboyevning taklifiga binoan 5 iyul kuni qo‘shni davlatga jo‘nab ketadi.

Prezident matbuot kotibi Komil Allamjonovning ma'lumot berishicha, davlat rahbari 6 iyul kuni Ostona shahrining 20 yilligiga bag‘ishlangan yubiley tadbirida ishtirok etadi.

Qozog‘istonga tashrif chog‘ida ikki tomonlama uchrashuvlar o‘tkazilishi ham rejalashtirilgan.

Qayd etish kerakki, Nursulton Nazarboyev ham 6 iyul kuni 78 yoshini nishonlaydi.

Shavkat Mirziyoyev oxirgi marta shu yilning martida Qozog‘istonga tashrif buyurgan va Ostonada Markaziy Osiyo davlatlari rahbarlarining birinchi maslahat uchrashuvida ishtirok etgandi.