Arab koalitsiyasi Yaman poytaxti aeroporti va aviabazasiga zarbalar berdi

Saudiya Arabistoni boshchiligidagi arab koalitsiyasi Sana shahri shimolidagi xalqaro aeroport va aviabazaga oltita zarba berdi, deya xabar beradi RIA Novosti Sanadagi Mudofaa vazirligidagi manbaga asoslanib.

«Koalitsiya aviatsiyasi poytaxtning shimoliy qismida joylashgan Ad-Dilmi aviabazasi va Sana xalqaro aeroportiga olti marta ketma-ket zarba berdi», - deya ma'lum qilgan manba. 

Uning qo‘shimcha qilishicha, havodan turib bombardimon qilish koalitsiya harbiy-havo kuchlarining boshqa ko‘p sonli zarbalari fonida yuz beryapti. So‘nggi bir necha soat ichida Hodayda, Hajja, Amron, Saad va Raym viloyatlariga 50ga yaqin zarbalar berilgan.