Lavrov BMTda kelishish san'atini o‘rganishga chaqirdi

Rossiya tashqi ishlar vaziri Sergey Lavrov jahonning barcha davlatlarini kelishish san'atini eslashga chaqirdi. Bu haqda RIA Novosti xabar bermoqda.

Uning so‘zlariga ko‘ra, diktat va majburlash kabi xatti-harakatlarni tarix «chiqindixonasiga» tashlab yuborish kerak.

Shuningdek, uning qo‘shimcha qilishicha, bir qator davlatlar «dunyo yetakchilari» maqomini o‘zida saqlab qolishga va ko‘p qutblik shakllanishi jarayonini sekinlashtirishga harakat qilmoqda.

Lavrovning ta'kidlashicha, bunday harakatlar xalqaro huquqni buzadi.

Eslatib o‘tamiz, avvalroq Lavrov eshikni adashtirib yuborgan Poroshenkoning ustidan kulgandi.

Sergey Lavrov Ukraina prezidenti xato tufayli BMTdagi Rossiya delegatsiyasining xonasiga kirib ketgani ustidan kuldi.