Meksika prezidenti «sabrli» Tramp haqida gapirdi

Meksika prezidenti etib saylangan Andres Manuel Lopes Obradorning ma'lum qilishicha, Amerika Qo‘shma Shtatlari rahbari Donald Tramp Meksika va Kanada bilan USMCA savdo kelishuviga erishish bo‘yicha muzokaralar paytida «ochiq» va «sabrli» bo‘ldi. Meksika yetakchisining so‘zlari Reuters tomonidan keltirilgan.

«[USMCA] kelishuvi xotirjamlikni ta'minlaydi, ishonchni kafolatlaydi», - deya ma'lum qildi Meksika prezidenti muzokaralar yakuni bo‘yicha.

Shuningdek, uning ta'kidlashicha, kelishuv avtomobil sanoati va milliy iqtisodiyotga sarmoya kiritish uchun zarur shart-sharoitlarni yaratib beradi.

Eslatib o‘tamiz, avvalroq AQSh, Kanada va Meksika yangi savdo kelishuviga erishgani xabar qilingandi.

AQSh, Kanada va Meksika USMCA deb ataladigan yangi savdo kelishuviga erishdi. Bu haqda Kanada tashqi ishlar vaziri Xristi Friland va AQSh savdo vakili Robert Laytxayzerning Kanada hukumati saytida e'lon qilingan qo‘shma bayonotida aytiladi.