O‘zbekistonda davlatning bank sektoridagi ishtiroki kamaytiriladi 

2019 yildan boshlab O‘zbekistonda davlatning bank sektoridagi ishtirokini kamaytirish bo‘yicha zarur choralar ko‘riladi. Bu haqda Markaziy bank raisining birinchi o‘rinbosari Timur Ishmetov UzReport telekanaliga bergan intervyusida ma'lum qilgan.

«Biz bu masalani anchadan beri ko‘tarmoqdamiz. Hukumat bilan yagona fikrga keldikki, keyingi yildan boshlab davlatning bank sektoridagi ishtirokini kamaytirish bo‘yicha aniq choralar ko‘ramiz. 

Banklar o‘z faoliyatini faqat bozor sharoitlarida ishlab, daromad olish maqsadida amalga oshirishi zarur. Resurslarni, aholini jalb etishi, ularga qiziqarli stavkalar taklif qilishi, kreditlarni bozor sharoitlarida berishi lozim», - deydi T.Ishmetov.