Jahon islom ligasi Checheniston rahbari Ramzan Qodirovni "Islom qahramoni" unvoni bilan taqdirladi, u shuningdek, Falastinning oliy mukofoti - "Quddus yulduzi" ordeni kavaleriga aylandi. Bu haqda Checheniston prezidenti matbuot xizmati xabar berdi.
"Jahon islom ligasi bosh kotibi Muhammad Abdulkarim Al-Issa simpozium delegatlarining Qodirovga "Islom qahramoni" unvonini berish qarorini o‘qib eshittirdi. Shuningdek Falastin prezidenti Mahmud Abbosning qarori bilan Checheniston prezidenti ushbu davlatning oliy mukofotlaridan biri "Quddus yulduzi" ordeni bilan mukofotlandi", deyiladi xabarda.
28-30 mart kunlari Moskva va Grozniyda "Islom – yaxshilik va tinchlik elchisi" mavzuida xalqaro diniy forum o‘tkazildi. Unda dunyoning 43 davlatidan vakillar ishtirok etdi.