Turkmanistonga xorijdan qaytganlar Ashxobod aeroportida soatlab so‘roq qilinayotgani ma'lum qilindi
“Xronika Turkmenistana” nashrining xabar berishicha, Turkmanistonning xorijda bo‘lgan fuqarolari Ashxobod aeroportida so‘roq qilinmoqdalar. Huquq-tartibot idoralari vakillarini fuqarolarning xorijga chiqishi maqsadi hamda ular Turkmanistonni nima sababga ko‘ra tark etganlari qiziqtirmoqda.
Gap, birinchi navbatda, Turkiyaga pul ishlagani borgan mehnat muhojirlari haqida bormoqda. Ular Turkmanistonga qaytganlaridan keyin aksariyati tahdidlar bilan kechayotgan ko‘p soatlik so‘roqlarga tutilmoqdalar,
Muhojirlarga qiziqish Turkmanistonga xorijiy davlatda noqonuniy bo‘lganlik va ishlashga ruxsat yo‘qligi sababli deportatsiya qilingan fuqarolarning ko‘paygani bilan bog‘langan. Turkmaniston migratsiya xizmati bunday fuqarolarni 5 yilga xorijga chiqmaydiganlar ro‘yxatiga kiritadi.
Xorijga pul topgani ketgan turkmanistonliklarning ko‘payishi 2014 yilda mamlakatda yuz bergan iqtisodiy inqiroz oqibatlari bilan bog‘langan. Turkmanistonliklar Turkiyada bir oy vizasiz yura olganlari sababli ushbu davlat ular orasida ishlash uchun jozibador hisoblanadi. Aksariyat muhojirlar esa qonunga zid ravishda xorijda ko‘proq muddatga qoladilar.
Mavzuga oid
16:14 / 03.09.2024
“Jahannam darvozasi”. Turkmanistondagi eng diqqatga sazovor joylardan biri bo‘lgan gaz krateri haqida nimalar ma’lum?
17:24 / 15.08.2024
Turkmaniston O‘zbekistondan ba’zi fuqarolarini deportatsiya qilishni so‘radi – OAV
16:03 / 15.08.2024
Turkmanistonda SIM-karta sotish to‘xtatildi. Ular tugab qolgani aytilmoqda
20:55 / 01.08.2024