Sumka astari ostiga yashirilgan patron fosh etildi

O‘zbekiston Respublikasi Jinoyat kodeksining 246-moddasiga ko‘ra, bojxona nazoratini chetlab, bojxona nazoratidan yashirib yoxud bojxona hujjatlariga o‘xshatib yasalgan hujjatlardan aldash yo‘li bilan foydalanib, qurol-yarog‘, o‘qotar qurol yoki o‘q-dorilarni O‘zbekiston Respublikasi bojxona chegarasidan o‘tkazish kontrabanda jinoyati hisoblanib, besh yildan yigirma yilgacha ozodlikdan mahrum qilish bilan jazolanadi.

Bojxona xodimlari navbatdagi kontrabanda jinoyatiga chek qo‘yishdi.

Surxondaryo viloyati bojxona boshqarmasi “Ayritom” chegara bojxona posti orqali yurtimizga xorijdan kirib kelgan fuqarosi R.N. belgilangan tartibda bojxona nazoratidan o‘tkazildi.

Natijada, uning sumkasining astari ichida 9 mm kalibrli pistolet uchun mo‘ljallangan patron yashirilganligi aniqlandi.

Hozirda ushbu holat yuzasidan jinoyat ishi qo‘zg‘atilib, tekshiruv ishlari olib borilmoqda.