11 200 AQSh dollarini o‘zlashtirgan firibgar qo‘lga olindi - IIV

2019 yil 27 iyul kuni Toshkent shahrining Sergeli tuman IIBdan hujjatlar tushgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

Ularga ko‘ra, shu yil 11 aprel kuni Sergeli tumani 6-dahada yashovchi 32 yoshli S.R. 5-daha hududida tanishi 40 yoshli A.R.ga tuman hokimiyatining orqa tomonidan 5 sotix yer maydoni olib, ushbu yerni shu yil 22 aprel kuniga qadar rasmiylashtirib berishini aytganligi va aldov yo‘li bilan ishonchiga kirib, undan 11200 AQSh dollarini olib, bergan va'dasini bajarmay pullarni o‘z ehtiyojlari uchun ishlatib yuborganligi ko‘rsatilgan.

Holat yuzasidan jinoyat ishi qo‘zg‘atilib, S.R.qo‘lga olingan. Tergov harakatlari olib borilmoqda.