Navoiyda jinoyat ko‘chasiga kirgan yosh yigit ushlandi

2019 yil 23 avgust kuni Navoiy viloyatining Navbahor tumanida yashovchi 51 yoshli N.I. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil 17 avgustdan 20 avgustga qadar bo‘lgan vaqt oralig‘ida noma'lum shaxs uyiga g‘ayriqonuniy ravishda kirib, xonasidan 7 500 000 so‘m pulini o‘g‘irlab ketganligini ma'lum qilgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni “Qalqon ota” MFY Porloq ko‘chasida yashovchi 18 yoshli G‘.I. sodir etganligi aniqlanib, ushlangan. 

Tergov harakatlari davom etmoqda.