Pokiston markazi O‘zbekistondagi saylovlar bo‘yicha o‘z xulosasini e'lon qildi
Saylovlar O‘zbekistonni demokratik o‘zgarishlar yo‘lida olg‘a siljitdi va mamlakat ulkan salohiyatini amalga oshirishning boshlanishi bo‘ladi.
Bu 2019 yil 22 dekabr kuni O‘zbekiston Respublikasida bo‘lib o‘tgan parlament saylovlarini kuzatishda ishtirok etgan Pokistonning Global va strategik tadqiqotlar markazi delegatsiyasining xulosasi.
«O‘zbekistonda 2019 yilgi parlament saylovlari - xalqaro kuzatuvchilar nigohida» tahliliy hisobotida O‘zbekistonda amalga oshirilayotgan yangilanish jarayoni yuqori baholangan, 2017-2021 yillarga mo‘ljallangan Harakatlar strategiyasi doirasida amalga oshirilayotgan chuqur o‘zgarishlar e'tirof etilgan.
Hisobotda ta'kidlanishicha, xulosalar amaldagi islohotlar, shu jumladan, davlat boshqaruvi, demokratik tamoyillar va qonun ustuvorligini mustahkamlash natijalari hamda 20dan ortiq saylov uchastkalarida ovoz berish jarayonini kuzatish asosida qabul qilindi.
Global va strategik tadqiqotlar markazi direktori Xolid Taymur Akromning fikricha, bu mamlakat tarixidagi birinchi haqiqiy demokratik saylovlar bo‘ldi. Ular yuqori sifat va tayyorgarlik darajasi, ommaviy axborot vositalarining erkin hamda faol ishlashi bilan ajralib turdi, shuningdek, bu O‘zbekiston uchun katta qadam bo‘ldi.
Hisobotda «O‘zbekiston rahbarining dinamik jamiyat, yaxshi yo‘lga qo‘yilgan va samarali boshqaruv hamda mamlakatning ijtimoiy-iqtisodiy ravnaqiga asoslangan iqtisodiy tizimni yaratish borasidagi harakatlariga» alohida urg‘u berilgan.
Mavzuga oid
21:12 / 22.09.2024
Pokistonda Rossiya elchisi kortejidagi avtomobil mina bilan portlatildi
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
14:10 / 10.09.2024
Niderlandiyada qotillikka undaganlikda ayblangan ikki pokistonlik sudlandi
12:27 / 21.08.2024