Rossiya Ukrainaning e'tirozini ko‘rib chiqmay Kiyevga qaytarib berdi
Rossiya tashqi ishlar vazirligi Ukrainaning Rossiya prezidenti Vladimir Putinning Qrimga tashrifi yuzasidan bildirgan e'tirozini ko‘rib chiqmay Kiyevga qaytarib berdi. Bu haqda vazirlik saytida ma'lum qilindi.
“Rossiya tashqi ishlar vazirligi e'tiroz uchun asos yo‘qligi sababli bizga kelib tushuvchi bu turdagi murojaatlar kabi bu notani Ukraina tomoniga qaytarib berdi”, deyilgan vazirlik xabarida.
Rossiya tashqi ishlar vazirligida ta'kidlanishicha, Putin va Rossiyaning boshqa rasmiy shaxslari Rossiya hududi bo‘ylab o‘z safarlari borasida boshqa davlatlar bilan kelishishga majbur emas.
Vazirlikda, shuningdek, Ukrainani “Qrim va Sevastopol Rossiyaga tegishli ekanini haqiqat sifatida qabul qilishga” chaqirilgan.
Avvalroq Ukraina tashqi ishlar vazirligi Putinning Qrimga tashrifi yuzasidan norozilik bildirgandi.
Rossiya prezidenti 23 dekabrda Qrimga tashrif buyurib, Qrim ko‘prigi orqali temir yo‘l qatnovini rasman ochib bergandi.
Mavzuga oid
22:02 / 05.10.2024
G‘arb va Ukraina urushni tugatish sxemasini muhokama qilmoqda - OAV
10:50 / 05.10.2024
Surishtiruv: BR ukrainalik bolalarni harbiylashtirishga aloqador
09:50 / 05.10.2024
AQSh Ukraina uzra Rossiya raketalarini urib tushirishdan bosh tortganiga izoh berdi
08:30 / 05.10.2024