AQSh aviakompaniyasi musulmon yo‘lovchilar kamsitilgani uchun jarima to‘laydigan bo‘ldi
AQSh transport vazirligi yo‘lovchilarni tahqirlashni taqiqlovchi federal qonunni buzganlik uchun Delta Air Lines aviakompaniyasiga 50 ming dollar jarima to‘lash majburiyatini yukladi.
CNN telekanalining xabar berishicha, aviakompaniya bunday jazoga 2016 yilda unga qarashli samolyotdan 3 nafar musulmon tushirib yuborilgani uchun tortildi.
Ta'kidlanishicha, Parij-Ogayo va Amsterdam-Nyu-York reyslari bilan uchmoqchi bo‘lgan musulmon yo‘lovchilar boshqa yo‘lovchilarda xavotir uyg‘otgan. Birinchi holda yo‘lovchilardan biri musulmon yo‘lovchining telefoni ekranida “Alloh” so‘ziga ko‘zi tushib, trevoga ko‘targan, ikkinchi holatda esa musulmon yo‘lovchining xatti-harakati shubha tug‘dirgan.
Xavfsizlik xizmati tomonidan o‘tkazilgan qo‘shimcha tekshiruvlar musulmon yo‘lovchilar tomondan biror-bir xavf solinmaganini tasdiqlaganiga qaramay, ikkala holatda ham samolyot sardorlari musulmon yo‘lovchilar “noqulaylik tug‘dirmoqda” deb topib, ularni reysdan olishga qaror qilgan. AQSh mutasaddi idoralari fikricha, shu tariqa kompaniya sababini tushuntirmagan holda tashishni rad etib, yo‘lovchilarning huquqlarini buzgan.
Mavzuga oid
23:25 / 20.09.2024
AQSh prezidentligiga nomzodlar xavfsizligi kuchaytirilishi mumkin
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
10:28 / 20.09.2024