«Muruntov» koni elektr energiyasi bilan ta'minlanadi

Vazirlar Mahkamasining 26.05.2020 yildagi «Muruntov» konini o‘zlashtirish» (V navbati) 1 bosqich loyihasi sanoat obektlarini elektr energiyasi bilan ta'minlash» investitsiya loyihasi texnik-iqtisodiy hisob-kitobining asosiy texnik-iqtisodiy ko‘rsatkichlarini tasdiqlash to‘g‘risida»gi 331-son qarori qabul qilindi.
 
Investitsiya loyihasini amalga oshirish doirasida kapital qo‘yilmalarning umumiy qiymati ekvivalentda $113 755 mingni tashkil etadi, shundan $56 255 mingi – Navoiy kon-metallurgiya kombinati (NKMK) mablag‘lari, $8 800 mingi – Moliya vazirligining ssudasi va $48 700 mingi – tijorat banklari kreditlari.
 
Norma’ning yozishicha, NKMK investitsiya loyihasining tashabbuskori va mas'ul qarz oluvchi hisoblanadi, qarzni so‘ndirish va u bilan bog‘liq xarajatlarni o‘z mablag‘lari hisobidan amalga oshiradi.
 
Qaror bilan tasdiqlangan loyiha TIHKning asosiy ko‘rsatkichlari ilovada keltirilgan.
 
Hujjat 27.05.2020 yildan kuchga kirgan.