Xitoy braziliyalik ko‘ngillining o‘limiga koronavirusga qarshi vaksinaning aloqasi yo‘qligini bildirdi
Braziliyaning sog‘liqni saqlash tizimini nazorat qiluvchi agentligi Anvisa Xitoy vaksinasi sinovlarini “jiddiy hodisa”dan keyin vaqtincha to‘xtatishga qaror qilgan.
Braziliyada Xitoyning “Sinovac” kompaniyasi tomonidan ishlab chiqarilgan koronavirusga qarshi “Coronavac” vaksinasi sinovlari davomida ko‘ngillilardan birining o‘limiga vaksina sabab bo‘lmagan. Bu haqda Xitoy tashqi ishlar vazirligi rasmiy vakili Van Venbin ma'lum qildi.
“Biz xabarga e'tibor qaratdik. Ushbu hodisaning vaksinatsiyaga hech qanday aloqasi yo‘q”, – dedi u.
Diplomatning so‘zlariga ko‘ra, Sinovac Biotech “ushbu masala bo‘yicha Braziliya tomoni bilan muntazam muloqotda bo‘lib turibdi”.
Avvalroq sinovlarni nazorat qilayotgan Butantan instituti rahbari Dimas Kovas tadqiqotning to‘xtatilishiga ko‘ngillilardan birining o‘limi sabab bo‘lganligini, biroq ushbu o‘lim vaksina sinovlari bilan bog‘liq emasligini aytgandi.
Xabar qilinishicha, Braziliyaning sog‘liqni saqlash tizimini nazorat qiluvchi agentligi Anvisa “Coronavac” vaksinasi sinovlarini “jiddiy hodisa”dan keyin vaqtincha to‘xtatishga qaror qilgan.
Mavzuga oid
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:34 / 16.09.2024
Tencent internet giganti asoschisi Xitoyning eng badavlat insoniga aylandi
00:18 / 15.09.2024
Xitoy yangi avlod palubali qiruvchi samolyotini sinovdan o‘tkazishni boshladi
20:51 / 14.09.2024