Seoul Mun ko‘chmas mulkning har kvadrat metridan samarali foydalanadi

Dream City Development kompaniyasi Seoul Mun binolaridagi baland shiftning afzalliklari haqida ma'lumot berdi.

Seoul Mun savdo va dam olish markazi poytaxt markazida 40 ming kvadrat metr maydonda joylashgan. Tijorat ko‘chmas mulki xaridorlarga katta tanlov, 274 ta turli variantdagi joylarni taqdim etadi. 15 dan 1000 kvadrat metr maydongacha bo‘lgan binolar 5 toifaga bo‘linadi, bu esa barcha turdagi biznesni amalga oshirish imkoniyatini beradi. Seoul Mun'da tadbirkorlikning turli xil ehtiyojlari hisobga olingan bo‘lib, bu yerda kichik do‘kon, dorixonadan tortib katta ko‘ngilochar markazgacha tashkil qilish mumkin.

Dream City Development sotuv ofisida Seoul Mun binolarini to‘liq hajmdagi shourumi qurildi. Unga tashrif buyurib, siz tijorat ko‘chmas mulk obektlarining texnik xususiyatlari va afzalliklari bilan batafsil tanishishingiz mumkin. Binolardagi o‘ziga xos parametr – bu albatta 6 metr balandlikka ega shift hisoblanadi.

Bu turfa dizayn yechimlarini amalga oshirish uchun ko‘proq imkoniyatlar yaratadi. Joyning foydali maydonini sezilarli darajada kengaytirishingiz mumkin. Bu shubhasiz ko‘chmas mulk rentabelligini oshiradi.

Bunga misol tariqasida sotuv ofisidagi shourum keltirilgan. Bu yerda xaridorlarga Seoul Mun'dagi 6 metr shift balandligiga ega 78 kvadrat metr joy namoyish etilgan. Makon ikki darajali qilib loyihalangan. Hamda joydan unumli foydalanib 130 kvadrat metr maydon yaratilgan.

Katta panoramali vitrinalar esa xaridorlarni jalb qiladi va do‘kon yoki muassasaning ichki qismini, undagi barcha mahsulotlarni namoyish etadi.