Koronaviruslarni aniqlovchi universal va aniq test ishlab chiqildi
AQShdagi Kolumbiya universiteti va Xitoydagi Sun Yatsen universiteti olimlari barcha ma'lum koronaviruslar, jumladan SARS-CoV-2’ning mutatsiya qilgan variantlariga antitanalarni aniqlovchi yuqori aniqlikdagi universal testni ishlab chiqishdi.
Communications Biology nashrida yozilishicha, olimlar insonni zararlovchi barcha koronaviruslarning oqsillarini qamrab oluvchi 3 millionta immun markerlaridan iborat HCoV-Peptide chipini yaratishgan.
Mutaxassislar dastlab SARS-CoV-2’ga chalingan kasallik belgilariga ega bo‘lmagan, yengil yoki og‘ir darajadagi bemorlar, shuningdek, sog‘lom va SARS-CoV-1 hamda mavsumiy koronaviruslarga chalingan kishilar qonlari namunalarini tahlil qilishgan.
Olimlar tahlil davomida SARS-CoV-2’ga xos va unga turdosh bo‘lgan 29 peptidni aniqlashgan. So‘ngra HCoV-Peptide sog‘lom, COVID-19’ga chalingan va boshqa koronaviruslarga antitanalarga ega odamlardan olingan qon namunalari yordamida sinalgan.
Olingan natijalar yangi yondashuv 98 foizlik samaraga egaligini ko‘rsatgan.
Mavzuga oid
15:03 / 14.08.2024
O‘qishni ko‘chirish bo‘yicha test sinovlari sanalari e’lon qilindi
14:00 / 09.08.2024
“Test tuziladigan adabiyotlar ro‘yxatini e’lon qilish agentlikning vazifasi emas” - BMBA
19:47 / 24.07.2024
Yangi tartib bo‘yicha tushuntirish – test balli aniq bo‘lgan abituriyent nimalarni tanlaydi?
17:35 / 14.07.2024