Rahmon Afg‘onistondagi inqiroz MDH mamlakatlari xavfsizligi uchun jiddiy tahdidligini aytdi
Rahmonning ta'kidlashicha, BMT Xavfsizlik kengashining terrorchi guruhlar ro‘yxatiga kiritilgan «Tolibon» harakatining hukumat tepasiga kelishi Tojikistonga qo‘shni mazkur davlatdagi vaziyatni «yanada murakkablashtirdi».
Afg‘onistondagi harbiy-siyosiy inqiroz MDH mamlakatlari uchun jiddiy tahdid hisoblanadi, dedi Tojikiston prezidenti Imomali Rahmon MDH davlatlari rahbarlarining onlayn-yig‘ilishida.
«Afg‘onistondagi harbiy-siyosiy va gumanitar inqiroz mamlakatlarimiz xavfsizligiga nisbatan jiddiy tahdid paydo qildi», — dedi u.
Rahmonning ta'kidlashicha, BMT Xavfsizlik kengashining terrorchi guruhlar ro‘yxatiga kiritilgan «Tolibon» harakatining hukumat tepasiga kelishi Tojikistonga qo‘shni mazkur davlatdagi vaziyatni «yanada murakkablashtirdi».
U Tojikiston MDH mamlakatlari hududida faoliyati taqiqlangan terrorchi tashkilotlar yagona ro‘yxatini tuzishda hamdo‘stlik mamlakatlarining qo‘llab-quvvatlashiga umid qilayotganini aytdi.
Shuningdek, Tojikiston prezidenti MDH mamlakatlarini biologik xavfsizlik va iqlim o‘zgarishiga qarshi kurashda hamkorlikni kuchaytirishga chaqirdi.
Mavzuga oid
16:50 / 11.10.2024
O‘zbek kompaniyasi Afg‘onistonning energetika sektoriga 1 mlrd dollar sarmoya kiritadi
08:10 / 10.10.2024
TIV rahbari Afg‘onistonning O‘zbekistondagi yangi elchisini qabul qildi
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
21:27 / 03.10.2024