Shimoliy Makedoniyaning eng yirik muxolif partiyasi VMRO-DPMNe mamlakatda o‘tgan mahalliy saylovlarning 2-bosqichida ko‘plab hududlarda g‘alaba qozondi. Bosh vazir Zoran Zayev o‘zining SDSM partiyasi mag‘lubiyatini tan olib, iste'foga chiqishga ariza berdi.
“Ushbu natija uchun javobgarlik to‘liq mening zimmamda. Shu sababli men bosh vazir va Sotsial-demokratik ittifoq yetakchisi lavozimlaridan iste'foga chiqmoqdaman”, deb ma'lum qilgan Zayev matbuot anjumanida. U navbatdan tashqari parlament saylovlari o‘tkazilishiga qarshi chiqqan.
AP axborot agentligining xabar berishicha, saylovlarning rasmiy natijalari hali e'lon qilinmagan bo‘lsa-da, bosh vazir o‘z partiyasining poytaxt Skope meri uchun saylovlarda mag‘lub bo‘lganini tan olgan. VMRO-DPMNe tomonidan qo‘llab-quvvatlanuvchi nomzodlarning yarmi 80 ta munitsipalitetning yarmida, hukmron partiya SDSM esa 20 tadan kamroq hududda g‘alaba qozongan.
Ma'lumotlarga ko‘ra, 2017 yilda o‘tgan avvalgi saylovlarda SDSM 57 ta, VMRO-DPMNe esa 5 ta munitsipalitetda g‘alabaga erishgan.
