Toshkentning qator hududlarida ichimlik suvi ta'minoti bilan bog‘liq uzilishlar kuzatilmoqda
Toshkent shahrining qator hududlarida ichimlik suvi ta'minoti bilan bog‘liq uzilishlar kuzatilmoqda. Bu haqda «Toshkent shahar suv ta'minoti» MChJ matbuot xizmati xabar berdi.
Qayd etilishicha, joriy yilning 3 dekabr kuni soat tonggi 8:30da poytaxt aholisining asosiy qismini ichimlik suvi bilan ta'minlovchi «Qodiriya» bosh suv inshootida yuqori kuchlanishli elektr ta'minotida nosozlik sababli nasos agregatlarida o‘chish holati yuzaga kelgan.
Shu tufayli Toshkent shahrining qator hududlarida ichimlik suvi ta'minoti bilan bog‘liq uzilishlar kuzatilmoqda.
«Hozirgi vaqtda elektr ta'minoti qayta tiklandi, ichimlik suv gidravlik rejimini tiklash bo‘yicha tezkor choralar ko‘rilmoqda.
Toshkent shahrida tez fursatlarda suv ta'minoti o‘z maromiga qaytadi. Keltirilgan noqulayliklar uchun uzr so‘raymiz», deyiladi ma'lumotda.
Avvalroq, Toshkent IESda elektr energiyasida uzilish bo‘lgani sababli qator hududlar issiqlik ta'minotisiz qolgandi.
Mavzuga oid
15:55
Toshkentda inson a’zolari oldi-sotdisi bilan shug‘ullangan talaba jinoiy jazoga tortildi
12:30
Plastik idishlardagi suv vodoprovod suvidan xavfliroq - tadqiqot
11:50
Toshkentda giyohvandlik vositalarini yashirish yo‘li bilan tarqatish holatlari fosh etildi
16:12 / 08.10.2024