O‘zbekistonda koronavirusning omikron shtammi Dubaydan kelgan xorij fuqarosida aniqlangan
Joriy yilning 7 yanvar kuni Innovatsion rivojlanish vazirligi huzuridagi Ilg‘or texnologiyalar markazi (ITM) laboratoriyasida omikron shtammi aniqlangan.
O‘zbekiston hududiga Dubaydan kelgan xorij fuqarosida koronavirusning yangi shtammi omikron aniqlangan. Respublika maxsus komissiyasining yig‘ilishida mazkur holat, shuningdek, omikron tarqalishiga qarshi chora-tadbirlar muhokama qilindi.
Voqeani sharhlar ekan, innovatsion rivojlanish vazir o‘rinbosari Shahlo Turdiqulova shunday dedi:
“Omikronning dunyo bo‘ylab tez tarqalishini inobatga olsak, uning O‘zbekistonda paydo bo‘lishi vaqt masalasi edi. Ilg‘or texnologiyalar markazi rahbari sifatida ZF-UZ-VAC2001 sinovlarida va virusli mutatsiyalarni o‘rganishda faol ishtirok etarkanman, mamlakatimizdagi eng ommabop O‘zbekiston-Xitoy vaksinasi ustida olib borilgan tadqiqotlar yangi shtamm bo‘yicha yaxshi natijalarni ko‘rsatayotganini aytishim mumkin. Vaksinaning kuchaytirilgan — buster dozasi omikrondan deyarli 100 foiz himoya qiladi. Xitoylik hamkasblarimiz ham buni tasdiqladilar”.
Maxsus komissiya yig‘ilishida aholini, shu jumladan ZF-UZ-VAC2001’ning kuchaytirilgan dozalari bilan emlashni zudlik bilan tezlashtirish masalasi ham muhokama qilindi.
Mavzuga oid
18:41 / 27.09.2024
Burj Xalifa: dunyoni hayratga solayotgan osmono‘par bino
13:50 / 13.09.2024
Dubaydan Toshkentga uchishi kerak bo‘lgan aviareys majburan bekor qilindi
19:31 / 07.09.2024
Dubayda dunyodagi ikkinchi eng baland osmono‘par bino qurilmoqda
11:47 / 29.08.2024