Uzbekistan Airways’ning Rossiyaga parvoz qilgan ayrim samolyotlari ortga qaytmoqda

Rossiyaning Rostov oblastidagi havo kengligi yo‘lovchi samolyotlarning qatnovlari uchun yopildi. Bu haqda Uzbekistan Airways xabarida aytilgan.

Shu munosabat bilan, 2022 yil 24 fevral kuni Namangan – Krasnodar yo‘nalishi bo‘yicha HY-9825 reysi Namangan xalqaro aeroportiga majburiy qaytmoqda.

Bekor qilingan parvoz yo‘lovchilari aviachiptani bepul bronlash yoki to‘liq qiymatini qaytarib olish huquqiga ega ekani aytiladi.

Uzbekistan Airways AJ yo‘lovchilarni jadvaldagi har qanday o‘zgarishlar haqida qo‘shimcha ravishda xabardor qilishi bildirilgan.