Farg‘ona aeroportidagi ob-havo (kuchli shamol) sabab Istanbul – Farg‘ona yo‘nalishida harakatlangan HY-278 aviaqatnovi Namangan aeroportiga qo‘ndi.
Uzbekistan Airways xabariga ko‘ra, ob-havo yaxshilanganidan so‘ng ushbu reys Farg‘ona aeroportiga soat 23:00 da parvozni amalga oshirgan.
Shuningdek, Farg‘ona – Toshkent yo‘nalishidagi HY-82 aviaqatnovi vaqti ham o‘zgargan va u 00:30 ga ko‘chirilgan.
Aviakompaniya keltirilgan noqulayliklar uchun yo‘lovchilar va ularni kutib oluvchilardan uzr so‘ragan.
Avvalroq Uzbekistan Airways samolyot bortida quloqchinlar yo‘qligiga izoh bergandi.