Ko‘chmas mulk buzilishga tushmaganiga Yagona portal - my.gov.uz orqali ishonch hosil qilish imkoni yaratildi.
![](https://storage.kun.uz/source/8/i_XOjEDhzN72wIEQDmVaRFEV42gi9OPE.jpg)
Foto: Kun.uz
Buning uchun «Ko‘chmas mulk buzilishga tushgan yoki tushmagani to‘g‘risida ma’lumotnoma berish» xizmatidan foydalanish mumkin.
Ushbu xizmatdan Yagona portal - my.gov.uz orqali foydalanganda 10 foiz chegirma taqdim etiladi. Xizmat ko‘rsatish muddati – 3 kun.
Ariza beruvchi Yagona portalda ro‘yxatdan va/yoki avtorizatsiyadan o‘tadi va Qurilish vazirligiga so‘rov yuboradi. Xizmat ko‘rsatishda hech qanday hujjatlar talab etilmaydi.
Yagona portal orqali topshirilganda xizmat narxi miqdori: boj - 13 500 so‘m.
Portal xabariga ko‘ra, mazkur qulaylik hovli-joy sotib olayotganda, uyni kapital ta’mirlayotganda qo‘l keladi.