Markaziy bank Namangan viloyati boshqarmasiga yangi rahbar tayinlandi
Ma’rufjon Rahmonov yangi lavozimda ish boshladi.
Ma’rufjon Mahmudjonovich Rahmonov Markaziy bank Namangan viloyati bosh boshqarmasi boshlig‘i lavozimiga tayinlandi. U mazkur lavozimda faoliyat yuritgan Jamshid Aliyevning o‘rnida ish boshladi.
Ma’rufjon Rahmonov 1982 yil 6 yanvarda Namangan viloyatining Uychi tumanida tug‘ilgan. Ma’lumoti oliy, 2006 yili Namangan muhandislik-iqtisodiyot institutini tamomlagan. Mutaxassisligi moliya-iqtisodchi.
Mehnat faoliyatini 2002 yilda Xalq banki Namangan viloyati bo‘limida mutaxassis sifatida boshlagan. 2003-2014 yillarda Xalq banki Namangan viloyati filialida turli lavozimlarda ishlagan. 2014-2017 yillarda Respublika Inkassatsiya xizmati Namangan viloyati boshqarmasi boshlig‘ining o‘rinbosari, 2017-2018 yillarda Markaziy bank Namangan viloyati bosh boshqarmasi boshlig‘ining birinchi o‘rinbosari lavozimida ish olib borgan.
Yangi tayinlovga qadar, ya’ni 2018 yil 7 fevraldan buyon Markaziy bank Namangan viloyati bosh boshqarmasi boshlig‘ining o‘rinbosari sifatida faoliyat yuritib kelayotgan edi.
Mavzuga oid
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
14:05 / 12.09.2024
Markaziy bank asosiy stavkani yillik 13,5 foiz darajasida o‘zgarishsiz qoldirdi
15:30 / 09.09.2024
O‘zbekistonning oltin-valuta zaxiralari 39 mlrd dollarga yetdi. Bu – rekord ko‘rsatkich
17:04 / 05.09.2024