Qamchiq dovonidan o‘tuvchi avtomobil yo‘lida harakat qisqa muddatga cheklandi

Qamchiq dovonidan o‘tuvchi avtomobil yo‘lida (A-373 yo‘lining 260-kilometri) harakat qisqa muddatga cheklandi. Bu haqda IIV Jamoat xavfsizligi departamenti Yo‘l harakati xavfsizligi xizmati xabar bermoqda.

Foto: YHXX

Qayd etilishicha, O‘zbekiston Mudofaa hamda Favqulodda vaziyatlar vazirliklari tomonidan rejali o‘quv mashg‘uloti o‘tkazilishi rejalashtirilgan.

Shu munosabat bilan xalqaro ahamiyatdagi A-373 avtomobil yo‘lining Qamchiq dovonidan o‘tuvchi qismida (260-kilometrida) transport vositalarining harakati bugun soat 10:00 dan vaqtincha, qisqa muddatga cheklandi.

IIV Yo‘l harakati xavfsizligi xizmati haydovchilardan tartibga soluvchilarning ishoralariga rioya etishni so‘ragan.

Tayyorlagan: Отабек Матназаров

#yo‘l #Qamchiq