2023 yilda eng qimmat avtoraqam qanchaga sotilgani ma’lum qilindi

Respublika tovar-xomashyo birjasi matbuot xizmati xabariga ko‘ra, sotilgan avtomobil raqamlarining jami qiymati 396,1 milliard so‘mni tashkil etgan. 

Spot ma’lumotiga ko‘ra, eng qimmat “chiroyli” avtoraqam yuridik shaxsga 450 million so‘mga sotilgan.

Undan keyingi ikkinchi o‘rinda yuridik shaxs tomonidan xarid qilingan 439,56 million so‘mlik avtoraqami turibdi. Eng qimmat beshlikka jismoniy shaxslar tomonidan sotib olingan 399,6 million so‘m, 395 million so‘m hamda 378,18 million so‘mlik avtomobil raqamlari kirdi.