O‘zbekistonga zargarlik buyumlarini yashirincha olib o‘tishga uringan shaxs to‘xtatildi

Toshkent viloyati bojxona boshqarmasi xabariga ko‘ra, mamlakatga o‘tish uchun “G‘ishtko‘prik” chegara bojxona postiga piyoda holda kirib kelgan fuqaro harakatlari bojxona xodimlarining diqqatini tortgach, u shaxsiy ko‘rikdan o‘tkazilgan.

Natijada fuqaroning oyog‘i va ichki kiyimlariga skotch bilan o‘rab yashirilgan umumiy og‘irligi 450 gramm bo‘lgan zargarlik buyumlari aniqlangan.  

Dastlabki hisob-kitoblarga ko‘ra, zargarlik buyumlarining qiymati 380 mln so‘mni tashkil qilmoqda.

Holat yuzasidan bojxona organlari tomonidan surishtiruv harakatlari olib borilmoqda.