Toshkent viloyatida chegaradan salkam 2 mlrd so‘mlik zargarlik buyumlarini olib o‘tmoqchi bo‘lganlar ushlandi

Toshkent viloyati bojxonachilari tomonidan Davlat xavfsizlik xizmati xodimlari bilan hamkorlikda qimmatbaho metallardan yasalgan zargarlik buyumlarining noqonuniy aylanmasiga chek qo‘yildi. 

Viloyat bojxona boshqarmasi xabariga ko‘ra, «Bekobod-avto» chegara bojxona postiga piyoda holda kirib kelgan ikki nafar fuqaro bojxona xodimlari tomonidan belgilangan tartibda shaxsiy ko‘rikdan o‘tkazilgan.

Shunda, fuqarolarning bel qismiga matoga o‘rab yashirilgan umumiy qiymati salkam 2 mlrd so‘mlik 1696 gramm zargarlik buyumlari borligi aniqlandi.

Hozirda ushbu holat yuzasidan surishtiruv harakatlari olib borilmoqda.