BYD e-Mobility Festa 2024: 30 yillik yutuqlarni birgalikda nishonlaymiz

BYD jamoasi shu yilning 22–25 noyabr kunlari “Alpomish” muz saroyida bo‘lib o‘tadigan “BYD e-Mobility Festa 2024” festivaliga barcha avtomobil ixlosmandlarini taklif etadi. Ushbu ulkan festival avtomobil sohasidagi ilg‘or yutuqlar, qiziqarli ko‘ngilochar dasturlar va BYD kompaniyasining 30 yillik yubileyini birlashtirgan o‘ziga xos tadbirdir. Tashkil etilganidan buyon shu kunga qadar BYD kompaniyasi elektromobillar va yangi energiya texnologiyalari sohasida ajoyib natijalarga erishib kelmoqda. Innovatsiyaga sodiqlik va mustahkam texnologik poydevor tufayli BYD yangi energiya manbalarida harakatlanuvchi avtomobillar ishlab chiqarish va sotishda jahon bozorida yetakchiga aylandi va millionlab xaridorlarning mehrini qozonib kelmoqda.

BYD festivali ushbu muvaffaqiyatli yo‘lning yorqin timsoli bo‘lib, mehmonlarga BYD innovatsiyalari olami bilan yaqinroqdan tanishish imkoniyatini beradi. To‘rt kunlik festival davomida sizni taniqli san’atkorlar, jumladan Toxir Sodiqov, Shohrux, Konsta, Jasmin, didjyey Makarella va boshqa ko‘plab yulduzlarning jonli chiqishlari kutmoqda. Ularning sahna chiqishlari festivalning asosiy mavzusi — elektromobillar va yangi energiya texnologiyalari kelajagi bilan uyg‘unlashib, tomoshabinlar uchun unutilmas muhitni yaratadi.

Festivalning diqqatga sazovor jihatlaridan biri — maxsus BYD avtomobillari ko‘rgazmasi bo‘lib, bu yerda tashrif buyuruvchilar kompaniyaning eng yangi modellari, jumladan BAO 5, BAO 8, DENZA D9, DENZA Z9GT, SEALION 07, QIN L, YANGWANG U8 va boshqa modellar bilan yaqindan tanishish imkoniyatiga ega bo‘ladilar. Bu avtomobil ixlosmandlari va yangiliklarga qiziquvchilar uchun ajoyib fursat bo‘lib, ko‘rgazma ishtirokchilarga ushbu modellarni dizayn, muxandislik va texnik ko‘rsatkichlar nuqtai nazaridan batafsil o‘rganish imkonini beradi.

Jonli chiqishlar va avtomobil ko‘rgazmasidan tashqari, festival davomida mehmonlarni yanada zavqli o‘yinlar, viktorinalar, lotereyalar va sovg‘alar kutmoqda. Ushbu interaktiv tadbirlar mehmonlarga qiziqarli sovg‘alar va eksklyuziv mukofotlar yutish imkonini beradi. BYD avtomobilini sotib olishni o‘ylayotganlar uchun aynan festival kunlari amal qiladigan maxsus takliflar ham mavjud bo‘lib, bu festivalni noyob imkoniyatga aylantiradi. Festivalda barcha rasmiy BYD dilerlari va homiylar ham ishtirok etishadi.

BYD e-Mobility Festa 2024 — bu oddiy festival emas; bu texnologik taraqqiyot, innovatsiyalar, elektromobillar va yangi energiya texnologiyalari sohasida barqaror kelajakka birgalikda intilishni aks ettiruvchi ulkan bayramidir. Musiqa, sovg‘alar va avtomobil sanoatining so‘nggi yangiliklari bilan to‘lib-toshgan ushbu festival har bir mehmon uchun unutilmas tadbir bo‘lib qoladi.

BYD’ning 30 yillik yubileyiga bag‘ishlangan bayram haqida batafsil ma’lumot olish uchun bizning rasmiy saytga tashrif buyuring yoki ijtimoiy tarmoqlarda kuzatib boring.

Batafsil ma’lumot uchun:

• Koll-markaz: 1811

• Veb-sayt: https://bydauto.uz

• Instagram: @bydauto.uz

• Facebook: @bydauto.uz

• Telegram: https://t.me/bydautouz

Reklama