Qamchiqda yuk mashinasi va Gentra xandaqqa tushib ketdi

Qamchiq dovonida 24 may kuni soat 10:15 larda Howo rusumli yuk avtomashinasi haydovchisi boshqaruvni yo‘qotishi oqibatida yo‘lning xandaq (kyuvet) qismiga tushib ketdi.

Foto: FVV

FVV ma’lum qilishicha, qutqaruvchilar tomonidan maxsus texnika va asbob-anjomlar yordamida yuk avtomashinasi xandaqdan olib chiqilgan.

Hodisa oqibatida tan jarohati olganlar yo‘q.

Shuningdek, 25 may kuni Qamchiq dovonida Gentra haydovchisi boshqaruvni yo‘qotishi oqibatida xandaqqa tushib ketdi.

Qutqaruvchilar tomonidan avtomobil xandaqdan olib chiqildi. Avtomobilda haydovchi va 2 nafar yo‘lovchi bo‘lgan. Hodisa oqibatida tan-jarohati olganlar yo‘q.