Apple’ga $634 million jarima: Masimo bilan mojaro yana avjida

Kaliforniya sudi Apple’ni Masimo patentini buzganlikda aybdor deb topdi va kompaniya $634 mln to‘lashi belgiladi. Bu qaror Apple Watch’ning AQShga importiga yana taqiq qo‘yilishi ehtimolini kuchaytirmoqda.

Foto: Abbosxon Yusufjonov

Mojaro 2023 yilda boshlangan: o‘shanda Apple qon kislorodini o‘lchovchi sensor bo‘yicha patentni buzganlikda ayblanib, Watch Series 9 va Ultra 2’ni AQShda vaqtincha sotolmay qolgan edi. 2024 yilda sotuv tiklandi, ammo pulsoksimetrsiz.

2025 yilda Apple funksiyani qayta joriy qildi — endi o‘lchovlar soatda emas, iPhone’da hisoblanadi. Masimo esa bu hali ham patentni buzayotganini da’vo qilmoqda.

Hozir AQSh Xalqaro savdo komissiyasi Apple Watch’larning importiga yana taqiq qo‘yish kerakmi-yo‘qmi, shuni tekshirmoqda. Yakuniy qaror 6 oy ichida chiqadi.

Texnologiyalar tez o‘zgarayotgan bugungi kunda eng so‘nggi yangiliklardan xabardor bo‘lish muhim. Raqamli dunyoda adashib qolmaslik va shunday yangiliklarni birinchilardan bilish uchun KUN.UZ Texnologiya Telegram sahifasini kuzatib boring.

Tayyorlagan: Аббос Юсуфжонов

#Apple #Apple Watch #Masimo